Bos días,

Hoxe queremos achegarvos un pouco de luz neste mundo das oposicións e comentar as últimas novidades en relación aos próximos procesos de selección. Recolleremos algúns nos que o prazo para presentar a solicitude aínda non está aberto ou está actualmente aberto.

Recentemente publicouse a Oferta de Emprego Público do Estado cun total de 23.491 prazas . Podemos destacar 1000 prazas no Corpo Administrativo da Administración Xeral do Estado. Unha excelente oportunidade para conseguir un traballo estable, xa que é unha oposición libre, na que só se terá en conta un só exercicio. O mesmo ocorre con respecto ao Corpo Auxiliar da Administración Xeral do Estado.

Ademais, fai unha semana coñecíamos o anuncio da escala auxiliar da USC con 100 prazas que se cubrirán mediante concurso-oposición. Aínda non está aberto o prazo para presentar instancias, que comezará cando se publique no Boletín Oficial do Estado. A convocatoria inclúe 24 temas, moitos dos cales son compatibles con outras convocatorias.

Finalmente, durante este mes de agosto aínda está aberto o prazo para inscribirse en determinados procesos de selección do SERGAS, como un condutor/a, costureiro/a , lavandeiro/a, planchador/a, calefactor/a, electricista, fontaneiro/a ou mecánico/a. O prazo pecha o 31 de agosto, polo que aínda tes tempo para aproveitar esta gran oportunidade.

Podes contactar connosco para responder a calquera pregunta sobre estes procesos selectivos ou outros que poidan ser do teu interese. Agardámoste!